Bashkëpunime

Arkitekturë pa kufij

Në ARB&TRANS, besojmë se projektet me vlerë krijohen përmes bashkëpunimit, ekspertizës dhe një vizioni të përbashkët. Eksperiencën tonë në ndërtim dhe zhvillimin e projekteve e ndërthurim me perspektivën ndërkombëtare të studiove të arkitekturës, dizajnit dhe inxhinierisë me të cilat bashkëpunojmë.

Përmes këtyre partneriteteve, sjellim së bashku qasje, kultura dhe disiplina të ndryshme, duke krijuar projekte me identitet të fortë arkitektonik, standarde të larta teknike dhe vlerë afatgjatë.

SeARCH, Holandë

Arkitekturë, peizazh dhe inovacion

E themeluar në Amsterdam në vitin 2002 nga arkitekti Bjarne Mastenbroek, SeARCH është një studio holandeze e arkitekturës dhe urbanistikës me një qasje të veçantë ndaj marrëdhënies mes arkitekturës, peizazhit dhe mjedisit urban.

Puna e studios eksploron mënyrën se si ndërtesat mund të integrohen natyrshëm me kontekstin e tyre, duke ndërthurur arkitekturën bashkëkohore me zgjidhje inovative dhe të qëndrueshme.

Ekspertiza e SeARCH shtrihet nga projektet rezidenciale dhe hospitality deri te zhvillimet urbane dhe masterplanet në shkallë të gjerë.

Qasja e saj karakterizohet nga një integrim i fortë i arkitekturës, peizazhit dhe qëndrueshmërisë.

Vizito website-in e SeARCH

Sofia Albrigo Architecture, Itali

Një qasje bashkëkohore ndaj hapësirës

Sofia Albrigo Architecture është një studio e pavarur arkitekturore e themeluar nga arkitektja italiane Sofia Albrigo, me eksperiencë në projekte ndërkombëtare, praktikë profesionale dhe kërkim akademik.

E diplomuar në Accademia di Architettura di Mendrisio, Sofia Albrigo punoi nga viti 2016 deri në vitin 2021 pranë arkitektit zviceran Valerio Olgiati, ku u angazhua në projekte ndërkombëtare dhe në zhvillimin arkitektonik të tyre.

Në vitin 2022 themeloi studion e saj, duke zhvilluar një praktikë të fokusuar në hapësirë, proporcion, materialitet dhe mënyrat bashkëkohore të jetesës.

Puna e studios eksploron marrëdhënien mes arkitekturës dhe jetës së përditshme, duke kërkuar qartësi, vazhdimësi dhe një përvojë të mirëstudiuar të hapësirës.

Vizito website-in e studios

JDSA (Julien De Smedt Architects)

Arkitekturë dhe urbanistikë me vizion ndërkombëtar

JDSA (Julien De Smedt Architects) është një studio me profil ndërkombëtar, e themeluar në vitin 2006 nga arkitekti Julien De Smedt.

Studioja zhvillon projekte në fushat e arkitekturës, urbanistikës dhe dizajnit, nga ndërtesat individuale deri te zhvillimet urbane dhe masterplanet në shkallë të gjerë.

Përpara themelimit të JDSA, Julien De Smedt punoi në OMA dhe më pas bashkëthemeloi PLOT në Kopenhagë së bashku me Bjarke Ingels.

JDSA njihet për kombinimin e kërkimit, kreativitetit dhe zhvillimit teknik, duke krijuar zgjidhje arkitekturore që i përgjigjen kontekstit urban, social dhe kulturor.

Vizito website-in e JDSA

ACE, Itali

Ekspertizë e integruar

ACE është një kompani italiane multidisiplinare që ndërthur arkitekturën, inxhinierinë, dizajnin dhe menaxhimin e projekteve.

E themeluar në Firence në vitin 2021 nga Antonio Asquino dhe Marco Ciccone, ACE ka zgjeruar aktivitetin e saj ndërkombëtar me prezencë në Firence, Milano dhe New-York.

Qasja e kompanisë bazohet në integrimin e disiplinave të ndryshme përgjatë gjithë ciklit të projektit.

Fushat kryesore të ekspertizës

Projektim arkitektonik — Zhvillimi dhe koordinimi i koncepteve arkitekturore përgjatë fazave të ndryshme të projektit.
Inxhinieri strukturore & MEP — Zgjidhje teknike të integruara që mbështesin cilësinë arkitektonike dhe performancën e projektit.
BIM & koordinim digjital — Metodologji të avancuara BIM për koordinimin e disiplinave dhe reduktimin e konflikteve gjatë projektimit dhe ndërtimit.
Project & construction management — Koordinimi i ekipeve multidisiplinare dhe proceseve nga zhvillimi i projektimit deri në realizim.
Value engineering & cost control — Strategji teknike dhe ekonomike për zgjidhje eficiente, të qëndrueshme dhe të optimizuara.

Bashkëpunimi me ACE sjell në projektet e ARB&TRANS një perspektivë të integruar teknike, duke lidhur vizionin arkitektonik me ekspertizën inxhinierike dhe kërkesat praktike të realizimit.

Vizito website-in e ACE

Ekspertizë lokale. Vizion ndërkombëtar.

Bashkëpunimet e ARB&TRANS me studio ndërkombëtare të arkitekturës, inxhinierisë dhe dizajnit reflektojnë angazhimin tonë për të sjellë një perspektivë më të gjerë dhe bashkëkohore në projektet që zhvillojmë.

Ne ndërthurim ekspertizën ndërkombëtare në projektim me njohuritë lokale, eksperiencën në ndërtim dhe kapitalin për të realizuar projekte madhore.

Për ne, bashkëpunimi nuk është thjesht bashkimi i emrave dhe eksperiencave.

Është krijimi i një vizioni të përbashkët, ku arkitektura, teknologjia, inxhinieria dhe ndërtimi bashkohen për të transformuar idetë në realitet.

Nga vizioni ndërkombëtar te realizimi lokal.

ARB&TRANS